वर्धा ;
सर्व सेवा संघातील अंतर्गत वाद मिटविण्यासाठी महाराष्ट्र ग्रामदान मंडळाचे माजी अध्यक्ष तथा सर्वोदयी आबा कांबळे हे सेवाग्राम येथील सर्व सेवा संघ कार्यालयात आज उपोषणाला बसले आहे .
सर्व सेवा संघाच्या अध्यक्ष पदावरून गेल्या वर्षभऱ्यापासून वाद चिघळत आहे .महात्मा गांधीजी च्या विचाराने विधायक कार्यासाठी स्थापन केलेली सर्व सेवा संघात आज दोन गट उभे ठाकले आहे . दोन गटात वादाच्या ठिणग्या पडून वाद पोलिसात गेला आणि आता न्यायालयात गेला आहे .
या सर्व वादावर पडदा पाडण्यासाठी दोन्ही गटांनी एकत्र बसून मार्ग काढावा, दोघांच्या संमतीने अध्यक्ष ची नेमणूक करावी , तसे अधिवेशन बोलवावे या मुख्य मागणी करीता आबा कांबळे यांनी महात्मा गांधीजी यांच्या शाहिद दिनी उपोषणाला सुरुवात केली आहे .
या उपोषणामुळे गांधीजनात खळबळ निर्माण झाली आहे .
चांदण पाल आणि प्रदीप बजाज हे काय भूमिका घेतात याकडे सर्वांचे लक्ष लागले आहे .
सूत्रांनी दिलेल्या माहितीनुसार महादेव विद्रोही यांचा गट बसण्यासाठी तयार असल्याचे सांगितले जात आहे .आत चांदण पाल यांच्या गटाची काय भूमिका राहणार आहे हे येत्या दिवसात दिसणार आहे.